Mühəndislik fakültəsinin dekanı, tex.e.n., dosent
Mühəndislik fakültəsi iqtisadiyyat və texnologiyanın vəhdətinə əsaslanan mühəndis kadrlarının hazırlanmasını həyata keçirən ixtisaslaşmış bir fakültədir. Məqsəd texniki bilikləri iqtisadi təhlil və idarəetmə bacarıqları ilə birləşdirə bilən peşəkar mühəndislər yetişdirməkdir.
UNEC-in Elmi Şurasının 31 may 2020-ci il tarixli online iclasının EŞ-172 №-li və 14 sentyabr 2020-ci il tarixli online iclasının EŞ-173 №-li qərarlarının icrasını təmin etmək məqsədilə 19.10.2020-ci il tarixində “Ekspertiza və standartlaşdırma” fakültəsi ləğv edilərək onun bazasında “Mühəndislik” fakültəsi yaradılmışdır.
19.10.2020-ci il tarixində Mühəndislik fakültəsinin nəzdində “Mühəndislik və tətbiqi elmlər” kafedrası yaradılmışdır.
2024-cü ildə Sənaye mühəndisliyi, Qida mühəndisliyi, Materiallar mühəndisliyi, Ekologiya mühəndisliyi, Maşın mühəndisliyi, Elektrik və elektronika mühəndisliyi ixtisasları üzrə fakültəyə 339 tələbə qəbul olunub. Ən yüksək nəticə Sənaye mühəndisliyi ixtisası üzrə 595,6 bal olub. 2024-cü ildə UNEC ilə Ege Universitetinin Qida mühəndisliyi ixtisası üzrə iki diplom proqramına 20 tələbə qəbul olunub. 2023-cü ildə bu proqramüzrə qəbul olunan II kurs tələbələri hazırda Eğe Universitetində təhsillərini davam etdirirlər.
